Bawaseer ka Ilaj (Gharelu nuskhe) – Piles HomeTreatment in Hindi

Bawaseer ya bawasir ko English mein piles ya hemorrhoids bhi kehte hein. Ye ek aisi health problem hai jo rogi ko dard se behaal kar deti hai. Hamare paas log aakar khete hein ki piles ka dard duniya ka sabse tej dard hai aur aisa hota bhi hai kyonki ye samasaya hamare shareer ki sensitive jagah par hoti hai. Aksar log piles ki dawa, yoga exercises, desi ilaj, creams, gharelu nuskhe aadi khojte rehte hein. Hum aapko ye sab bateinge lekin use pehle aap jaan lein ki piles hota kya hai aur uske karan aur lakshan kya hein.

Bawaseer Kya hai?

Bawasir ya piles guda (anus) ko sahara dene wale tissue (hemorrhoids) mein inflammation aur sujan hai. piles duniye mein laghbhag har kisi ko unke jeevan mein ek ya usse jayada baar pareshaan karti hai. Ye samasaya bacho se lekar budho (senior citizens) tak kisi ko bhi ho sakti hhai. Ye sadharan roop se do parkar ke hote hein bahri (external) piles aur andruni (internal ) piles ya hemorrhoids.  Internal hemorrhoids guda ki opening ke 2 se 4 cm andar hote hein jabki external hemorrhoids guda ke oopar aur aas paas hote hein.  Jayadatar logo ko internal bawaseer hone ki shikayat hoti hai jisme mal tyag karte se khoon aata hai aur tej dard hota hai jabki bahri bawsir mein khujli bani rehti hai aur kabhi kabhi khoon bhi aata hai aur isme guda ke bahar masse bhi hona ek aam baat hai.

Kyon Hota Hai Bawaseer? | Bawaseer ke Karan | What Causes Piles?

Piles hone ke bahut se karan hote hein jaise physical, mental , dietary aur doosre karan jinhe aap neeche padh sakte hein.

• Jayada der tak bethe rehna yak hade rehna (prolonged sitting and standing)
• Mirch masaledaar aur tali hui cheezon ka sevan (spicy and oily food)
• Fast food jayada khane se bhi kabz aur uske karan bawasir hone ke chances jayada hote hein
• Alcohol, tobacco, aur doosre parkar ke nashe karna
• Motapa yani obesity mein piles hona ek aam baat hai
• Kabz hona (aksar kabz ki problem mein log zor jayada lagate hein jisse guda ki tissues mein sujan hojati hai aur end result hota hai – piles)
• Kam pani peena
• Fiber rich diet ki kami
• Maida aur fatty food pet mein jam jata hai jisse kabj ho jati hai aur jisse piles hone ka dar rehta hai
• Pregnancy mein bawaseer hone ek aam samasaya hai.
• Neend ki kami (unmein jo der raat tak jagte hein – jaise students, workers aur computer professionals)
• Mansik tanav (stress ke saath piles ka seedh sambandh hai)
• Bhari weight uthana
• Shithil jeevan jeena yani kam ghumna firna aur doosre kaam karna (aalsi jeevan)
• Family history hona
• Rectal infection hona
• Liver problem jaise cirrhosis hona

Bawasir Ke lakshan | Symptoms of Piles

Kuch common bawaseer ke lakshan hein:

• Mal tyag karte samay khoon (blood) aana
• Guda ke andar ya bahar bahut tej dard rehna (specially mal tyag ke baad)
• Guda ke andar aura as paas khujli hona (anal itching)
• Bechani rehna
• Headache hone bhi piles ka ek symptom hai
• Mal tyag karne se darna (tej dard ka soch kar hi rogi mal tyag karne se darne lagta hai)
• Baar baar mal tyag ki icha hona
• Guda par pressure ka ehsaas hona
• Bethne par neeche dard hona (ye dard khade rehne aur chalne par bhi mehsoos hota hai)
• Masse bahar nikal aana aur unmein asehniye khujli ya dard hona
• Mal tyag ke baad pus ka aana

Bawasir ka desi Gharelu ilaj | Piles Home Treatment Tips | Home Remedies | Desi Upchar

Jayadatar piles serious nahi hoti aur kuch din mein swath hi chali jati hein. Lekin yadi aapki bawasir jane ka naam nahi le rahi aur aap khoon nikal aur tej dard se behaal hein to is case mein sabse acha hoga ki aap apne doctor se milein aur piles ki dawa aur doosre treatments lein kyonki kayi baar ye problem bada roop dharan kar leti hai aur anemina, infection, tissue death aaur yaha tak ki anal cancer (guda ka cancer) mein bhi badal jati hai. Agar aapki problem utni gambhir nahi hai ya aapko is problem ko hone se pehle rokna hai to neeche kuch best bawaseer ke ilaj ke liye ghare nuskhe aur doosre treatment options diye gaye hein jinhe aap use karke is dardnaak problem se chutkara ya aaram pa sakte hein.

Anjeer (Fig) De Jald Aaram

Ajeer ke guno ke bare mein to aap jante hi honge ye ek acha laxative (mal ko mulayam karne wali jisse aur mal tyag aasan karne wali) hai. Iske alawa isme pachan sambandhi problems ko bhi door karne ki shamta hoti hai. Ye aapki intestine ke movements ko sudharta hai jisse aapko kabj ki problem se chutkara mil jata hai. Saath hi iske healing gun bawasir ko jaldi theek karne mein madad karte hein. agar aapke ghar mein ajeer pa paudha ho to aap use taje fig tod kar kha sakte hein nahi to sukhe anjeer fal ka bhi use kar sakte hein. iske liye aapko karna ye hai ek fig ke 4-5 piece lijye aur unhe achi trah se dho kar pani mein poori raat ke liye dubo (soak) dijiye. Subhe hote hi unhe chaba kar khaiye aur 2 glass pani pi lijiye. Aisa subhe aur shaam khali pet kijiye. Kuch din aisa karne par aapki samasya khatam ho jayegi aur aapka pet bhi saaf rehne lagega . Ye remedy kabj ke liye ek raamban upchar hai.

Aam Ki Guthli Bhi hai Upyogi

Aam ki guthli ka powder lene ki salah aksar hamare bade bujurg hamein bawaseer ki upchar ke liye hame dete hein.Is powder ka upyog khooni piles ke treamtment ke liye kiya jata hai. Aam ke season mein aap guthli fainkiye mat unhe ikatha karke, dhokar dhoop mein achi tarah se sukha lijiye aur iska powder bana lijiye. Ek se do gram powder ko honey ke saath rojana lene se bawasir ki samasaya door ho jati hai.

Jamun / jambul Fruit For bleeding piles

Agar aapko bleeding piles ki problem baar baar ho rahi ho to aap jamun ke phal ko rojana subhe namak lagake khaiye. Aisa karne se aapki problem na kewal door hogi balki aapko future mein bhi piles ka dard sehna nahi padega.

Mulli (Radish) Ka juice

Aap mane ya na mane lekin mulli bhi bawasir ka ek bahut hi effective treatment hai. Askar gyani log ise subhe shahed ke saath khane ki salah dete hein. aap rojana subhe aur shaam ko safed mulli ke 60ml ras mein thoda sa namak milake bhi pee sakte hein. Mulli ki paste ko gaaye (cow) milk ke saath milake paste banakar bahar ke piles par lagayiye. Ye remedy aapko dard (pain) aur sujan (swelling) se jald aaram dega.

Ice Pack Lagaiye

Agar aap bawaseer ka sabse aasan aur effective home treatment jaan naa chahte hein to wo hai ice yani barf ka istemaal. Ice se mila thandapan aapki naso (veins) ko sikod (shrink) kar aapki guda par pressure kam karta hai. Saathi hi ice dard aur soojan (pain and swelling) ko kam karke aapko turant aaram deti hai. Aap halki pighli hui ice cube lijiye aur use ek cotton ke patle kapde mein lapet lijiye. Ab is ice yukt kapde ko apki guda ke aas paas wali jagah ya jaha aapko dard mehsoos ho raha ho par lagaiye. !0 minutes tak thandak dene par aapko aaram milne lagega. Aisa aap ko din mein kayi baar karna hai jabtak ki aapki problem theek na ho jaye. Adhik jaankari aap aapne doctor se bhi le sakte hein.

Aloe vera/ gawar patha/ ghritkumari

Aloe vera mein kamal ki anti inflammatory, anti septic, anti bacterial aur healing gun hote hein jo infection, inflammation aur pain ko kam karne mein bahut effective hote hein. Itna hi nahi Isme jalan kam karne wale gun bhi paye jate hein. Aloe vera ko aap andar aur bahar dono parkar ke hemorrhoids ke liye use kar sakte hein.

Agar aap bahri bawasir se pidit hein to aapko fresh aloe vera juice ko piles par laga kar halke hatho se massage karna hai. Kuch der aisa karne se aapka dard, khujli aur irritation kam ho jayega. Aur agar koi infection hoga to wo bhi khatam ho jayega.

Andar ke hemorrhoids ke liye aapko aloe vera ka chilka utar kar andar ke gude ki ek 4 se 5 cm lambi pali lekar use apne refrigerator ke andar jamne ke liye rakh dena hai. Ab is jame hue gude ki slice ko apne guda ke andar laga kar chod dena hai. Aisa karne se aapko dard, jalan, khujli aur infection se turant rahat milegi.

Kela bhi Hai Kaam ka

Kele mein bahut se aise gun mojood hein jo piles ke rogi ke liye vardaan sabit ho sakte hein. Paka hua kela rojana khane se aapke pet mein stool (mal) soft hota hai aur uske shareer se bahar nikalne mein aasani rehti hai jisse aapko zor nahi lagana padta aur mal aasani se bahar nikal pata hai. Ek ya do pake hue peele kele rojana subhe aur shaam ko khaiye. Doodh mein boil kiya hua kela bhi ek parbhavkari piles home remedy hai.

Adrak (Ginger) aur pudine (mint) Juice

Ginger mein anti inflammatory gun hote hein jo ki inflammation ghatane mein help karte hein. Iske doosri aur pudine mein cooling aur doosre aise gun hote hein jo ki bawaseer ki problem ko handle karne ke liye effective hein. Rojana aadha teaspoon adrak juice, nimbu ka ras aur pudine ka ras milakar isme thoda sa honey daalke rogi ko dijiye. Use dard aur doosre lakshano se rahat milegi.

Nimbu Ka ras (Lemon Juice)

Waise to nimbo k eras ke bahut se fayde hein jaise loo se bachana, weight kam karna, pet ki problems sahi karna aadi. Lekin isme aise bhi gun paye jate hein jo ko hemorrhoids ke rogion ko unki  pareshani se mukt kar sakte hein. Lemon juice guda ko sahara deni wale tissue aur rakt vahikaon (blood vessels) ko majbooti pardan karne mein help karta hai aur aapki problem ko kuch had tak theek karne mein bhi sahayata karta hai. Aadhe lemon ka juice ek glass garam doodh mein nichod kar peene se relief milta hai. Aisa roj subhe karna hai. Doosra tarika ye hai ki nibu ka taja ras cotton ball ki help se problem area par lagaiye. Pehle pehle thoda dard aur jalan hogi lekin wo dard kuch hi der mein chala jayega aur aapko apni pareshani se relief milega.

Almond and Coconut oil

Almond oil (badam ka tel) aur coconut oil (nariyal ka tel) mein kuch aise gun paye jate hein jo aapki bawseer wali jagah ki skin ko thanda, inflammation mukt  aur shant rakhne mein madad karte hein. In oils ko milakar problem area par din mein 4-5 baar lagane se aapko pain se mukti milegi, inflammation kam hoga aur aapki samasya jaldi heal ho jayegi.

Olive Oil (jaitun ka Tel)

Jaitun ke tel mein bahut hi asardaar anti-inflammatory aur anti oxidant properties hoti hein jo ki bahri hemorrhoids ke ilaj mein bhaut hi helpful sabit ho sakti hein. Ye gun inflammation door karte hein saath hi guda mein payi jane wali blood vessels ( naso) ki sujan kam karke aapko aaram ki anubhuti karvate hein. Rojan ek bada spoon olive oil ka peene se aapke body mein inflammation kam hota hai saath hi ye aapke utsarjan tantra ko bhi healthy rakhta hai. In short aapko mal tayag aadi mein pareshani nahi ho pati.

Witch Hazel

Witch hazel ki bottle aap market se kharid sakte hein. ye ek acha skin toner hai aur isme jabardast astringent, inflammation reducing aur healing gun paye jate hein aur ye sabhi gun naso ko ghatate hein, dard nivaran karte hein aur sujan door karte hein. Aap witch hazel cotton ball par lagake piles wali jagah par rakhiye aapko kuch rahat awashaya milegi.

Seb ka Sirka (Apple cider vinegar)

Ye bhi aap market se khaid sakte hein aur ye bhi witch hazel ki tarah hi kaam karta hai. Lekin ise aap interal aur external dono parkar ki bawaseer mein use kar sakte hein. Bahri piles ke liye apple cider vinegar mein dhubi hui cotton ball ko roblem wali jagah par lagaiye. Thodi jalan hogi lekin shighra aaram bhi milega. Aise din mein kuch baar kijiye jab tak swelling (sujan) kam na ho jaye. Andar wale bawasir ke liye is sirke ka ek spoon ek glass pani mein milake pee lijiye. Ye remedy quick healing mein help karegi.

Tea Bags Mat Fainkiye

Aap jo tea bags chai banana ke liye use karte hein unhe fainkiye mat. Kali chai mein tannic acid hota hai jo witch hazel aur apple cider vinegar ki tarah hi kaam karta hai aur aapko peeda aur sujan se relief deta hai. Chai banana ke baad used tea bag ko thanda karke bawaseer par 10 minutes lagane se aaram milta hai. Isi parkar aap tea bag ko boiling water mein daalke garam kar lijiye. Jab wo halka garam reh jaye tab use problem area par lagaiye. Ye tarika bhi aapko kuch relief dega.

Tea Tree Oil

Haal hi mein ki gayi research se ye pata chala hai ki tea tree oil ka use hemorrhoids related inflammation aur swelling ko door karke use jaldi heal hone mein madaad karta hai. Iski ek choti si bottle aap market se kharid sakte hein. ye bahut hi strong oil hai isliye is use karne se pehle kisi carrier oil ka istemal karna hota hai. iske liye tea tree oil ki ek boond ko kuch drops almond oil ya arandi ke tel ke saath milake cotton ball ki help se bawasir par lagaya jata hai. Ye remedy jaldi se masse shrink kar deti hai aur aapko milti hai jald rahat.

Soaking Treatment For Piles

Ek gun gune ya halke garm pani ka tub bhar kar usme beth jaiye. Aisa 15 se 20 minutes tak kijiye. Ye aapki inflammation ko kam karega aur aapki guda ki blood vessels ko relax karega jisse aapko dard aur sujan aur doosre lakshano se nijat milegi. Is treatment ke baad cotton towel se apni guda ko sukha lijiye aur oopar di gayi home remedy ka upyog kijiye jaise aloe vera  ya ice pack aadi. Ye soaking treatment din mein ek ya do baar rojana kariye.

Isabgol Husk

Isabgol ki bhusi ko psyllium husk bhi kehete hein jo ki ek bahut hi powerful natural stool softener yani laxative hai (mal ko soft karne wala). Isme fiber ki bharpoor matra payi jati hai jo pet ki safai karti hai aur aapke stool (mal) ko soft karke bina kisi peeda ke bahar nikalne mein madad karti hai. Ye kabz (constipation) ki samasya ka raamban ilaj hai. Rojana raat ko sone se Ek ya do spoon isabgol powder ek glass garm doodh mein daalke peejiye. Subhe aapko kabj se mukti milegi aur dard bhi nahi hoga.

Khoob Pani Peejiye

Agar bawaseer ya piles ka sabse aasan ilaj aur bachav hai to wo hai dher sara pani. Paani aapke stool ko soft karta hai jisse aapko mal tyag karte samay jayada jor nahi lagana padta falsavroop aapki condition jayada nahi bigadti. Ye aapki kabz ki problem ko bhi solve karta hai. Rojana kam se kam 10 galss pani peena bawaseer ki samsaya hone aur uske treatment ke liye bahut jaroori hai. aap pani ki matra doosre healthy fluids jaise nariyal pani, carrot juice, green tea aur doosre healthy drink peekar bhi badha sakte hein. Saath hi alcohol aur soda drinks se bachein kyonki ye sahareer mein dehydration (pani ki kami) karte hein aur bawaseer ki samasaya ko aur badha dete hein.

Additional Tips| Inhe Bhi Aajmaien | Other Piles Treatment Remedies in Hindi

1. Agar aapki wo jagah jaha piles hein, dry hogi to skin ki aapas mein ragad (friction) ghav bana sakti hai ya khoon bhi aa sakta hai. Isliye us jagah ko moisturize rakhna jaroori hai aisa aap vitamin e capsule ke liquid ya almond oil ya coconut oil lagake bhi kar sakte hein.
2. Anar ke chilke ke powder ko pani ke saath boil kar lijiye. Use chan ka peene se piles problems door ho jati hai. Aisa din mein do baar karna hoga.
3. Haldi powder ko pani mein boil karke peene se bawasir ki infection aur inflammation kam hoti hai tatha ghav bhi jaldi barne agte hein.
4. Ek cup khatte dahi ko karib aadhe glass pani mein ghol lijiye. Is chaach (butter milk ya lassi) mein thoda sa nimbu ka ras, thoda sa kala namak aur jeera powder milakar pee lijiye. Aisa  din mein do baar karne se bawaseer ke ilaj mein teji aati hai.
5. Ek katori dahi mein thoda sa sarson ke beej ka powder milakar khane se bhi ye samasaya jaldi theek hoti hai.
6. Wheat grass juice mila hua pani ya neem ki leave ko boil karne se mila pani ka enema rogi ko dene se uski bawasir jaldi heal hoti hai aur uska pet bhi saaf rehta hai. Isi parkar neem leaves ko pani mein ubaal kar us pani ko peene se bhi ghav jaldi bharte hein aur piles ke lakshan gayab ho jate hein.
7. Aadha ghanta tulsi ke kuch patte ek glass panimein daalkar rakhiye. Is pani ko peene se bhi bawasir mein aaram milta hai.
8. Raat ko sone se pehle ek glass doodh mein 2spoon desi ghee ke daalke pee lijiye. Subhe aapko mal tyagne mein aasani hogi aur dard bhi nahi hoga.
9. Carrot aur beet juice ko barabar matra mein milake pine aur piles wali jagah par lagane se dard aur sujan se aaram milta hai.
10. Kuch log baking soda paste bhi lagate hein.
11. Ek spoon saunf (fennel seeds) aur thoda sa gur lekar use khaiye. Aisa din mein 3 -4 baar kijiye. Saunf bhi kabj door karne mein help karti hai.
12. Sandalwood ki cooling aur healing properties ko to hum sab jante hein. Iski do gram marta ko ek glass chaach mein ghol kar din mein 2 ya 3 baar peene se jalan aur irritation kam hoti hai aur doosre lakshan bhi door hote hein.

Kya Kehti Hai Ayurvedic Medicine | Bawaseer kaise kare kam (An Ayurvedic approach)

Agar aapka rujhan ayurvedic mein hai to ye jaan lijiye ki bawaseer ki sathiti mein ayurveda ka mool udeshaya do hote hein

1. Pehle kabj/kabz ko door karna
2. Pain ko khatam karke Bawseer ko kam karna

Kabz ko door karne ke liye ayurvedic doctors kuch vishes churan aur doosre natural ingredients jaise ghee, heeng, sabjiyan, fruits, isabgol, methi aadi cheezein khane ki salah dete hein. Jab kabz control ho jati hai tab doctors home remedies ki salah dete hein aur aapko kuch natural tarike bataye jate hein. Iske alawa wo aapko kuch ayurvedic medicines jaise kankayana vati, arshogini vati, avipittikar churna aur kutajavaleha jaise ayurvedic dawa lene ki salah dete hein. Agar aapki problem serious hai to aap jaldi kisi ache ayurvedic doctor se salah le sakte hein.

Bawaseer Mein Kya Khayein? | Diet tips for Piles

Diet mein fiber ki kami hona bawaseer hone ka ek sabse bada karan mana jata hai. Is karan ko aap fiber rich foods kha ke door kar sakte hein. Rojana 25 se 30 grams fiber khane ka paryas karein. Fiber kabz ko door karta hai aaur aapke pet ko saaf rakhta hai.

Maida aur usse bani hui cheezein jaise naan, lacha prantha, bread, paav, patties aadi ka sevan kabhi na karein. Aur jitna ho sakte whole grains jaise bhusi yukt gehu, whole wheat bread, sabhi parkar ki  daal, beans, matar,berries, nashpati,  oatmeal, brown rice, barley, seb, kela ka khul ke sevan karein.   Inke alawa doosri fiber rich fruits, vegetables aur foods bhi kahyein.

Blueberries, papita, bhindi, beet, palak (spinach), anjeer, jimikand, angoor, aam aadi bawaseer ki sithiti mein bahut upyogi sabit hote hein.

Methi, gajar, sarsom, pyaj, aur shaljam ka upyog bhi niymit roop se karte rehna chaiye.

Aapko rojana probiotic yukt foods jaise dahi ka bharpoor sevan karna chaiye.

Ayurveda ke anusar kadve padarth jaise karela aadi ka upyog bhi labhkari hota hai.

Tip: Din ki shuruwat nimbu pani peekar karna ek acha upya hai.

Ye to chota sa intro tha ki kya khana chaiye. Aap piles ke liye bilkul sahi diet aur diet plan ke bare mein adhik jankari apne dietcian ya doctor se milkar paa sakte hein.  Diet ke bare mein kuch points piles prevention tips mein bhi diye gayi hein unhe padhna mat bhuliyega.

Yoga and Exercises for Piles | Bawasir ke liye yoga aur exercises

Ek regular yoga aur exercise plan bhi jaroori hai bawasir ko hatane aur future mein isse bachne ke liye. Ye exercises aisi honi chahiye jinse aapke pet ki maans peshiyan (muscles) tone aur majboot ho saath hi aapki guda ke saas paas ke blood vessels mein normal blood supply ban sake aur guda ke aas paas ke tissues and muscles strong bane. Aksar baba ramdev aur doosre yoga experts jalneti, vamandhauti, sarvangasana, fish pose, halasana, gomukhasana , taadasana, pavanmutasana,pranayam aur surya namaskar jaise yoga poses karne ki salah dete hein. In poses ki regular practice aapko future mein bawaseer ki problem nahi hone deti.

Agar fitness expert ki baat sune to wo aapko halki cardio exersies jaise chalna, jogging, swimming aur stairs chadna jaisi exercises karne ki salah dega. Isi parkar Kegal exercises bhi bawasir ke bachav aur treamtnet mein khas taur par bahut faydemand hai. Is exercises ko samajne ke kiye aap toilet mein bethiye aur apne pesahab ko kariye aur beech mein rokiye, fir kariye fir rokiye. Peshab rokane mein aapki guda mein mojood muscle contract hogi Ise PC muscles kehte hein. Is exercises ko bina peshab kiya bhi kar sakte hein. Ise din mein 4-5 baar karna chaiye. Har set mein is 10 baar karne se aapki guda ki muscles strong hongi aur blood flow bhi healthy bana rahega.  Dhyan rakhiye ek baar mein jayada baar karne se nukasaan bhi ho sakte hein isliye shuruwat mein kam number se shuru hoiye aur dheere dheere numbers bhadate jayien.  Ye exercise aap toilet ke bahar bhi practice kar sakte hein jaise TV dekhte samay, bed pe lete hue ya computer par kaam karte hue.

Kya hai Allopathy mein bawaseer ka Ilaj | Medical treatment options for Piles

Agar aapki problem normal hai to aap oopar di gayi home remedies aur doosre tips use kar sakte hein, elkin yadi aapki problem serious hai to jald se jald apne doctor se miliye. Ye kuch options hein jo aapka doctor aapko de sakta hai.

Normaly rogi ko cream, ointments aur vishesh dawa di  jati hai jisseinflammation kam ho sakte. kabz door karne ke liye laxative bhi diye jate hein. Problem agar serious ho to corticosteroid based cream ya dawa bhi di jati hai.

Pain aur inflammation ko ghatane ke liye pain killers ka use kiya jata hai jiase paracetamol aur NSAIDs jaise ibuprofen.

Dardnaak haemorrhoids mein aapka doctor aapko local anaesthetic bhi deta hai.

Agar aapka bavaseer fir bhi theek nahi hota to doctor aapko injection, banding, Coagulation aur surgery aadi  treatments ke dwara theek karta hai.

Bawaseer Se kaise Bacha Jaye | Tips on How to prevent piles

Ye to aap sab jante hi hein ki bachav hi sabse bada upchar hai. Yaha kuch bachav ke tarike (preventive measures) diye ja rahe hein jinhe aap aapne jeevan mein apna kar is dard bhari problem se future mein bach sakte hein.

• Spicy food, oily food, fatty food aur fast food ka sevan na ke barabar karein. Ye sabhi foods pet ki samasaya aur piles karne ke liye jimmedaar hote hein.
• Labse samay tak bethe ya khade na rahe. Agar aap computer par kaam kar rahe hein to thodi thodi der baar uth kar ghum lijiye.
• Alcohol, smoking, gutkha aadi bawasir karne ke liye jane jate hein isliye inka upyog na kijiye.
• Shareer mein pani ki kami se kabz aur doosre rog ho jate hein. kabz piles ka ek mukhya karan hai isliye khoob sara pani aur doosre juice jaise carrot juice, beet juice aadi ka sevan roj kijiye.
• Mansik tanav se apne aapko door rakhiye. Iske liye aap yoga, meditation ya apne doctor ki help le sakte hein.
• Daily 30 minutes ki sair kijiye. Aur ek acha exercise plan banaiye.
• Halka fulka supachaya bhojan kariye. Aisi cheezon se parhej kariye jo aapke pet ke liye bhari pade.
• Raat ko jaldi sone ki koshish kijiye. Kam need bhi bawseer ko janam de sakti hai.
• Baingan, aaloo aur aise food items ka upyog na karein jo piles ko prarit karti ho.
• Week mein ek ya do baar isabgol ka paryog kijiye. Isse aapko kabz ki samasaya nahi ho payegi aur aap bawasir se bache rahenge.
• Mal tyag karte waqt zor nahi lagana chaiye aapko intezaar karna chaiye. Is samsaya ko aap jayda pani peekar aur fiber rich diet kha kar kam kar sakte hein.
• Mal roke rakhne ki aadat ko door karein kyonki aisa karne se kabj aur pet ki doosri bimariyaan hoti hein jinka results hota hai – bawasir.

Aap oopar diye gaye bawaseer ke ilaj, diet, desi gharelu nuskhe, aur preventive tips use kariye aur apni problem ko door kijiye. Hum fir khenge ki doctor hi sabse bada gyani hai isliye aap apni problem ke bigdne se pehle apne doctor se treatment lijiye. Ache khan paan, aur lifestyle habits ka paryog karke aap bawasir se hamesha ke liye chutkara paa sakte hein. Agar aapko kuch aur jaan na hai to neeche diye gaye comment box mein likhiye ya hamein email kijiye.